Размер шрифта: A A A
Цвет сайта: A A A A

ЎЗБEКИСТОН ПАРИЖ БИТИМИНИ ИМЗОЛАДИ

21 Апр 2017

2017 йил 19 апрел куни Бирлашган Миллатлар Ташкилотининг Ню-Ёрк шаҳридаги бош қароргоҳида Париж битимини Ўзбекистон томонидан расмий имзолаш маросими бўлиб ўтди. Ушбу битим 2015 йил 12 декабрь куни БМТнинг иқлим ўзгариши тўғрисидаги Ҳадли конвенцияси томонларининг 21 конференцияси доирасида қабул қилинган.

Ҳужжатни Ўзбекистон Республикаси номидан мамлакатимизнинг АҚШдаги Фавқулодда ва Мухтор Элчиси Бахтиёр Гулямов имзолади.

Битим имзолангач, унинг асл нусхаси ташкилот Депозитарийи – БМТ Бош котибига сақлаш учун топширилди.

Париж битими атмосферага ис газлари чиқиндиларини камайтириш ва глобал ўртача ҳарорат даражаси ўсишини чеклаш орқали иқлим ўзгаришини олдини олишга қаратилган комплекс чора-тадбирларни ишлаб чиқиш ва амалга ошириш борасидаги жаҳон ҳамжамияти саъй-ҳаракатларини бирлаштиришга йўналтирилган.

Ўзбекистонни Париж битимини имзолаганлар рўйхатига кирганлиги ҳақидаги ахборот БМТ Котибияти томонидан аъзо давлатлар ўртасида тарқатилиб, ташкилотнинг Юридик бошқармаси расмий сайтида ҳамда БМТ журналида эълон қилинди.

 

Манба: www.mfa.uz

Медиатека

Сўров

ЎзХДП жойлардаги ўз фаоллари, барча даражадаги депутатлик бирлашмалари ва партиянинг ижтимоий ҳамкорлари (маҳалла, бандлик марказлари, манфаатдор корхоналар ва жамоат ташкилотлари)нинг биргаликдаги фаолияти тур... Батафсил