Юртимизда хотин-қизларнинг касб-ҳунар ўрганишларига катта эътибор қаратилмоқда. Касб-ҳунар ўрганишни якунлаганлар учун имтиёзли кредитлар ва субсидиялар ажратиш орқали уларнинг бандлигини таъминланмоқда.

Хусусан, Навоий шаҳридаги тадбиркорлик марказида сартарошлик ўқув курсини якунлаган хотин-қизлардан 10 нафарига якуний тадбиркорлик асослари дарслари ўтилди. Ўқув курсини муваффақиятли якунлаган ушбу хотин-қизларга сертификатлар топширилди.

Шунингдек, Ўзбекистон Халқ демократик партияси Навоий шаҳар кенгаши раиси Баҳора Ҳамдамова ташаббуси билан уч нафар вақтинча ишсиз хотин-қизлар марказда ташкил этилган ўқув курсларига жалб қилинди.

Ўзбекистон ХДП Навоий вилоят кенгаши

Ахборот хизмати.