Халқ депутатлари Шаҳрисабз туман Кенгаши котибияти хонасида туман кенгаши депутатлари иштирокида тумандаги Қашқадарё сув таъминоти МЧЖ Шаҳрисабз филиали, туман электр таъминоти ва туман тиббиёт бирлашмаси масъулларининг 2023 йил 9 ойидаги фаолияти юзасидан эшитув ўтказилди.

Масъулларнинг ҳисобот даври давомида фуқароларнинг мурожаатлари ва уларни ўз вақтида кўриб чиқиш, юртбошимиз томонидан яратиб берилаётган имкониятлардан манзилли фойдаланиши ва келгуси олиб бориладиган тадбирлар режаси тўғрисида ҳисоботлари тингланди.

Эшитувда соҳада олиб борилаётган ишлар депутатлар томонидан танқидий таҳлил қилиниб, масъулларга тегишли кўрсатмалар берилди.