Пойтахтимиздаги «Ўзбекистон» спорт мажмуасида каратэ WKF бўйича катталар ўртасидаги 16-Осиё чемпионати якунига етди. Мусобақанинг яккалик беллашувларида ўзбекистонлик каратэчилар 3 олтин, 1 кумуш ва 2 бронза медалига сазовор бўлишди.

Жамоавий кумите баҳсларида терма жамоамиз бронза медалини қўлга киритди. Дастлаб Жанубий Корея ва Қувайт вакилларини мағлуб этган каратэчиларимиз ярим финалда Саудия Арабистони жамоасига имкониятни бой беришди. Бронза медали учун кечган баҳсда эса Ўзбекистон терма жамоаси иорданиялик каратэчилар устидан 3:2 ҳисобида устун келди.