Muxtor Ilhomov — Xalq deputatlari Toshkent shahar Kengashi deputati, O‘zXDP guruhi a’zosi, "Uchtepa" mahallasi raisi.

Muxtor aka 23 yildan buyon mahallaning issiq sovug‘idan xabardor, doimo insonlar ko‘ngliga yo‘l topib, ularning muammolarini hal qilishda butun vujudi bilan ishga kirishadigan fidoyilardan.

Yangi yil bayrami arafasida Muxtor Ilhomovga O‘zbekiston Respublikasi Prezidenti alohida tabrik yo‘llab, shunday fikrlar bildirgan edi:

— Yangi O‘zbekistonda Uchinchi Renessans poydevorini bunyod etishda faol ishtirok etib, beqiyos hissa qo‘shib kelayotganingizni alohida ta’kidlagan holda, yosh avlodning ta’lim-tarbiya va kamoloti, ma’naviy-ma’rifiy sohadagi ishlar samaradorligini oshirish, ilm-fan, madaniyat, adabiyot va san’atni rivojlantirish yo‘lidagi sharafli faoliyatingiz bardavom bo‘lishiga tilakdoshman, — deyilgan Prezident tabriknomasida.