Xalq deputatlar Namangan shahar Kengashi deputati Ilhomjon Atabayev o‘z saylov okrugidagi “Sohibkor”, “Qadamjo” va “Lola” mahallalaridagi raislar bilan uchrashdi. Mahalladagi yettilik faoliyati bilan tanishib, kelgusidagi vazifalar belgilab olindi.

Uchrashuv davomida “Qadamjo” MFY raisi Zamira Turdibayeva Sokin-2 ko‘chasidagi simyog‘ochlarga elektr sim tarmoqlari tortilishida amaliy yordam so‘radi. Mazkur masala yuzasidan Markaz elektr tarmoqlari rahbariyatiga murojaat qilinib, deputat nazoratiga olindi.

Shuningdek, “Lola” MFY binosini ta’mirlash ishlarini ham ijobiy hal etish rejalashtirildi.