Maqsuda Vorisova Qonunchilik palatasi komissiyasi raisi etib saylandi
Parlament quyi palatasining navbatdagi majlisida Oʻzbekiston Respublikasi Oliy Majlisi Qonunchilik palatasining Oila va ayollar masalalari boʻyicha komissiyasi ham tuzildi.
Komissiyaga Qonunchilik palatasi Fuqarolarning sogʻligʻini saqlash masalalari qoʻmitasi raisi oʻrinbosari Maqsuda Vorisova rais etib saylandi.
Mazkur komissiya jamiyatda oilaning oʻrnini yana-da mustahkamlash, onalik va bolalikni muhofaza qilish, gender tenglikni, sohaga oid qonun hujjatlarini takomillashtirish, ushbu yoʻnalishdagi dasturlarni hayotga izchil tatbiq etish, oila va xotin-qizlar masalalariga oid xalqaro shartnomalar bajarilishini taʼminlashga koʻmaklashadi.