Бугун Марказий сайлов комиссияси томонидан 2023 йил 9 июль куни бўлиб ўтган Ўзбекистон Республикаси Президентлигига сайловнинг дастлабки натижалари эълон қилинди.

Шу муносабат билан Ўзбекистон Халқ демократик партияси Ўзбекистон Республикаси Президенти сайлови якунлари бўйича брифинг ўтказди.

Унда партия Марказий Кенгаши раиси, Президентликка номзод Улуғбек Иноятов сайловда партиянинг иштироки ва сайловнинг дастлабки натижалари юзасидан баёнот берди.