Yangi yil bolalar bayrami. Ularga ko‘tarinki kayfiyat, ezgu tilaklar izhor etiladigan ayyom. Xalq demokratik partiyasi Markaziy Kengashi hamda Toshkent shahar kengashi shu maqsadda poytaxtimizning Yashnobod tumanida joylashgan 30 sonli mehribonlik uyida bayram tadbiri tashkil etdi. Unda muassasa tarbiyalanuvchilari ishtirokida qiziqarli o‘yinlar, kuy va raqslar ijro etildi. Bildirilgan samimiy tilaklar, o‘g‘il-qizlar uchun hozirlangan bayram sovg‘alari ularning yuzlariga tabassum, qalbiga shirin xotiralar ulashdi.