UzAuto Motors январь ойидан майгача экспортнинг 90 фоизини Қозоғистонга жўнатди. Бу ҳақда иқтисодиётга ихтисослашган Spot нашри давлат статистика қўмитасига таянган ҳолда хабар берди.

Таъкидланишича, жорий йилнинг январь-май ойларида UzAuto Motors қўшни давлатларга 134,9 миллион долларлик автомашина экспорт қилган. Унинг 127,1 миллион доллари Қозоғистон ҳиссасига тўғри келди. Бу ўтган йилги кўрсаткичдан 84,6 миллион долларга кўпдир.

UzAuto Motors ишлаб чиқарган Chevrolet Қозоғистонда энг кўп сотилган машина бўлди. Беш ой ичида 11 700та Chevrolet сотилган. Бу эса ўтган йилга солиштирганда 4,5 баробарга кўпдир.