Қонунчилик палатаси депутати Муқаддас Ўрозалиева бугун Янгиобод туманидаги маҳаллаларда бўлиб, ижтимоий соҳа объектлари ҳолати ва хизмат кўрсатиш сифати билан танишди.

Депутат дастлаб Ўзбекистон Республикаси Президентининг “2023 — 2025 йилларда Жиззах вилоятини комплекс ижтимоий-иқтисодий ривожлантириш ва аҳоли турмуш даражасини янада яхшилашга доир қўшимча чора-тадбирлар тўғрисида”ги ПҚ-146-сон қарори асосида туман тиббиёт бирлашмаси қошида ташкил этилган 50 қатновли кўп тармоқли поликлиникада бўлди.

Ўрганиш давомида 1 млрд 250 млн сўм маблағ эвазига қад кўтарган ушбу тиббиёт муассасасида яратилган шарт-шароитлар ва аҳолига тиббий хизмат кўрсатиш сифати кўздан кечирилиб, мавжуд камчилик ва муаммолар юзасидан тиббиёт ходимлари билан суҳбатлашилди.