Ўзбекистон ХДП Нишон тумани кенгаши томонидан навбатдаги туҳфа туман ахборот кутубхона маркази бошланғич партия ташкилотига бўлди.

Партиямизнинг устувор вазифаларидан саналган ногиронлиги бўлган фуқароларни қўллаб-қувватлаш ҳамиша эътибор марказида. Шундан келиб чиқиб, жойларда турли тадбирлар ташкил этилади. Шундан келиб чиқиб, партиянинг Нишон туман кенгаши хайрли ташаббусга қўл урди. Хусусан, кўзи ожиз китобхонлар учун брайль алифбосида ёзилган Ўзбекистон Республикасининг янги таҳрирдаги Конституцияси китоблари ахборот кутубхона марказига туҳфа қилинди.

Шунингдек, партия кенгаши ташаббуси билан ҳамкорлар кўмагида Пиримқул Қодировнинг "Она лочин видоси” китобидан 15 дона, Тоғай Муроднинг “Юлдузлар мангу ёнади” асаридан 10 дона совға қилиниб, кутубхона фондининг бойиша ҳисса қўшилди.

Албатта партиямизнинг бу каби ташаббуслари туман китобхонлари учун қулай шароит, қўшимча имконият яратилишига сабаб бўлади.