Халқ депутатлари Хива шаҳар Кенгашига Ўзбекистон ХДПдан сайланган депутат Н.Каримбоева хотин-қизлар масаласига ҳамиша устувор вазифа сифатида қарайди. Улар билан мулоқотлар ўтказиб, оғирини енгил қилишга интилади. Бу галги учрашув “Янги турмуш” маҳалласида хотин-қизлар вакиллари билан ўтказилди. Мулоқотда аёллар ва болаларга нисбатан зўравонликларнинг олдини олиш масаласида сўз борди.
Очиқ ва самимий мулоқот тарзда олиб борилган учрашувда хотин-қизларга депутат оилада тинчликни сақлаш, оилаларни мустаҳкамлигини таъминлаш борасида фикр-мулоҳазаларини билдирди. Турли хил зиддиятлар келиб чиқишининг олдини олиш ва гўзал маънавий муҳитни яратиш учун аввало хотин-қизлар тўғри тарбия олиши, илм ва ҳунар ўрганиши, сиёсий ҳамда ҳуқуқий билимларга эга бўлиши борасида тушунтиришлар берилди.
Очиқ мулоқот давомида хотин-қизлар бугунги кунда ўзларини қийнаб келаётган масалалар юзасидан ҳам мурожаат қилди. Ҳар бир масала тегишли тартибда ҳал этилиши таъкидланди.