Xalq deputatlari Xiva shahar Kengashiga O‘zbekiston XDPdan saylangan deputat N.Karimboyeva xotin-qizlar masalasiga hamisha ustuvor vazifa sifatida qaraydi. Ular bilan muloqotlar o‘tkazib, og‘irini yengil qilishga intiladi. Bu galgi uchrashuv “Yangi turmush” mahallasida xotin-qizlar vakillari bilan o‘tkazildi. Muloqotda ayollar va bolalarga nisbatan zo‘ravonliklarning oldini olish masalasida so‘z bordi.

Ochiq va samimiy muloqot tarzda olib borilgan uchrashuvda xotin-qizlarga deputat oilada tinchlikni saqlash, oilalarni mustahkamligini ta’minlash borasida fikr-mulohazalarini bildirdi. Turli xil ziddiyatlar kelib chiqishining oldini olish va go‘zal ma’naviy muhitni yaratish uchun avvalo xotin-qizlar to‘g‘ri tarbiya olishi, ilm va hunar o‘rganishi, siyosiy hamda huquqiy bilimlarga ega bo‘lishi borasida tushuntirishlar berildi.

Ochiq muloqot davomida xotin-qizlar bugungi kunda o‘zlarini qiynab kelayotgan masalalar yuzasidan ham murojaat qildi. Har bir masala tegishli tartibda hal etilishi ta’kidlandi.