Ўзбекистон Халқ демократик партияси Фарғона туман кенгаши томонидан “Йилнинг энг яхши БПТ етакчиси” номли амалий кўрик-танловининг туман босқичи ўтказилди.

Танлов партиянинг мафкуравий ғояларини кенг тарғиб қилиш, партия аъзолари орасида ижодий ва илмий салоҳиятга, юксак интеллектуал қобилият ва ахлоқий фазилатларга эга бўлган кадрларни танлаб олиш мақсадида ўтказилмоқда.

Шунингдек, ижро ҳокимлиги органларида “социал лифт” сифатида уларнинг ўсишини таъминлаш назарда тутилган. Партиянинг бошланғич ташкилотларида рақобат муҳитини яратиш ва фаол, ташаббускор етакчиларни рағбатлантириш масалалари ҳам қамраб олинган.

Бундан ташқари, танлов партия аъзоларининг профессионал ва шахсий қобилиятини баҳолайди. Шу орқали партиянинг сиёсий ривожи ва кадр захирасининг юксалишини таъминлашга эришилади.