Олий Мажлис Қонунчилик палатасининг бир гуруҳ депутатлари маҳаллий Кенгашлар депутатлари билан бирга Сирдарёда техноген фалокатдан жабр кўрган, уй-жой, мол-мулк ва бошқа муаммоларга дуч келган аҳоли вакилларининг мурожаатларини уй-мауй юриб ўрганмоқда.

Депутатлар яқин ойларнинг асосий қисмини шу жараён ичида юриб ўтказяпти. Янги хонадонлар адолат ва холислик мезони асосида ўз эгаларига топширилмоқда.

Халқ демократик партияси фракияси аъзолари Зулайҳо Акрамова, Ўрол Ўрозбоев бошқа депутатлар, маҳаллий мутасаддилар ҳамроҳлигида Мирзаобод тумани “Ҳақиқат” маҳалласида истиқомат қилаёган 75 та хонадон эгаларининг мурожаатларини қабул қилди. Ишчи гуруҳ мурожаатларда кўтарилган масалаларга ечим топишга киришади.