Бирлашган Миллатлар Ташкилоти бош Ассамблеясининг 1992 йил 14 октябрдаги 47/3-сонли резолюциясига мувофиқ ҳар йили 3 декабрь - Халқаро ногиронлар куни сифатида дунё бўйлаб нишонланади.

Унинг мақсади – жамият ҳаётининг барча соҳаларида ногиронлар ҳуқуқларини рағбатлантириш, шунингдек, ногиронлар муаммоларига кенг жамоатчилик эътиборини жалб қилишдан иборат.

ЎзХДП Оқолтин туман Кенгаши депутати Ғулом Аҳмедов ва сектор раҳбари ташаббуси билан "Янги ҳаёт" маҳалласидаги ўзгалар меҳри ва парваришига, ижтимоий ҳимояга муҳтож ногиронлиги бўлган шахслар ҳолидан хабар олиниб, улар учун кундалик турмушдаги зарурий турдаги озиқ-овқат маҳсулотлари етказиб берилди.