Ўзбекистон Халқ демократик партиясидан Сурхондарё вилоят Кенгашига сайланган депутат Дилфуза Жўраева туман ҳокими ва сектор раҳбари, мутасадди ташкилотлар билан ҳамкорликда Термиз тумани «Нурафшон» маҳалласидаги икки қаватли уйлар ҳамда 25-умумий ўрта таълим мактабидаги камчиликларни ўрганмоқда ва муаммоларни ҳал қилишда бош-қош бўлмоқда.

Жумладан, Термиз туманидаги кўп қаватли уйларда уй таъмири бошланди, электрошитлар янгисига алмаштирилиб, газ қувурлари қайта таъмирдан чиқарилмоқда. Кам таъминланган, касалманд оилаларга озиқ-овқат маҳсулотлари етказиб берилмоқда. Чиқиндилар тўлиқ олинди. Ҳовлилардаги бетартиб қурилган тандир-ўчоқлар бузилди. Ҳамма ҳашарга жалб этилди. Уйларга кириш эшикларига буюртма берилди. Подъездларга ойналар қўйилмоқда.

Шунингдек, Учқизил МФЙ 5 қаватли уйлар атрофидаги чиқиндихона тўлиб кетгани ҳақидаги мурожаатни ўрганиб, масала сектор раҳбари ёрдамида жойида бартараф этилди.