Ўзбекистон ХДП Қорақалпоғистон Республика Кенгаши томонидан партиянинг Нукус шаҳар кенгаши билан биргаликда 1-сонли Абу Али ибн Сино номидаги Жамоат саломатлиги техникумида “Соғлом оила – соғлом келажак” мавзусида давра суҳбати ўтказилди.

Тадбирда партия масъуллари, бошланғич партия ташкилоти азолари, Жамоат саломатлиги техникуми ўқитувчи ва ўқувчи ёшлари, ОАВ вакиллари иштирок этди.

Тадбирда сўз олганлар, эрта ва қариндошлар ўртасидаги никоҳларнинг олдини олиш, туғишлар ўртасидаги мақбул оралиққа риоя қилиш, ирсий касалликлар профилактикаси долзарблиги тўғрисида ёшларга кенг турда тушунтиришлар берди.

Тадбир фикр-мулоҳазалар ва савол-жавоблар билан қизғин тарзда давом этди.