Қоракўллик номзодлар сайловчилар билан учрашди
Ўзбекистон Халқ демократик партияси Қоракўл туман кенгаши томонидан сайловчилар билан учрашув ўтказилди.
Мулоқотни партия туман кенгаши раиси кириш сўзи билан очиб, тумандан кўрсатилган номзод таржимайи ҳоли билан иштирокчиларни таништирди.
Учрашувда партия Сайловолди дастурида кўзда тутилган таклиф ва ташаббуслар, белгиланган асосий йўналишлар тўғрисида батафсил маълумотлар берилди.
Қизғин савол-жавоб тариқасида ўтган учрашув сўнггида иштирокчилар томонидан номзоднинг Сайловолди дастури қўллаб-қувватланди. Сайловчилар ўзларини қизиқтирган барча саволларга батафсил жавоблар олишди.