Чирчиқ шаҳар 24-Шарқ сайлови округи депутати Н.Рахманбердиева ташаббуси билан Ахборот кутубхонада марказида "Хотин қизлар ҳуқуқларини ҳимоя қиламиз" мавзусида марказ ходимлари билан ҳамкорликда давра суҳбати ўтказилди.
Мулоқотда хотин-қизларнинг ҳуқуқий ва қонуний манфаатларини ҳимоя қилиш, оилаларни мустаҳкамлаш, хотин-қизларни ҳуқуқий саводхонлигини ошириш, ҳар бир соҳада инсон ҳуқуқлари ва манфаатларини таъминлаш ҳақида тушунтириш берилди.
Шунингдек, мамлакатимизда хотин-қизларни ижтимоий қўллаб-қувватлаш, уларга яратилаётган шароит ва имкониятлар, ишсиз аёллар бандлигини таъминлаш, юртимизда хотин-қизларга кўрсатилаётган эътибор, имтиёзлар тўғрисида батафсил маълумотлар берилди.
Учрашувда иштирокчилар ҳам фаол қатнашиб, ўзларини қизиқтирган саволларига батафсил жавоблар олишди.