Ўзбекистон ХДП Марказий Кенгаши Ёшлар сектори ташаббуси билан Тошкент шаҳар кенгаши биносида «Сунъий интеллект: кеча ва бугун – ривожланиш ҳамда имкониятлар» мавзусида давра суҳбати бўлиб ўтди.

Давра суҳбатида Рақамли технологиялар ва сунъий интеллектни ривожлантириш илмий-тадқиқот институти АКТ стартапларини қўллаб-қувватлаш бўлими бошлиғи партиянинг «Ёшлар қаноти» фаоли Ш.Етмишбоев маърузачи сифатида иштирок этди.

Мулоқот давомида рақамли технологиялар ва сунъий интеллектнинг пайдо бўлиш тарихи, унинг бугунги кундаги имкониятлари ва келажакдаги истиқболлари муҳокама қилинди.

Шунингдек, бу борада юртимизда қандай ишлар қилинаётгани, соҳани ривожлантириш йўлидаги чора-тадбирлар ҳақида ҳам сўз борди. Мутахассислар иштирокчилар ва соҳага қизиқувчи ёшларнинг мавзу бўйича саволларига атрофлича жавоб қайтарди.

Партия Марказий Кенгаш Ёшлар сектори мудири М.Низомиддинов "Сунъий интеллект технологияларини 2030 йилга қадар ривожлантириш стратегиясини тасдиқлаш тўғрисида"ги Президент қарори ҳақида маълумотлар берди. Ҳужжатда белгиланган вазифалар ҳамда илгари сурилган чора-тадбирларнинг аҳамияти хусусида фикрларини билдирди.