Янгийўл шаҳар Кенгашидаги Ўзбекистон ХДП гуруҳи аъзоси Жамшид Абилов томонидан «Янгибоғ» маҳалла фуқаролари томонидан берилган мурожаатлар юзасидан ўрганиш олиб борилди ва эҳтиёжманд оилалар ҳолидан хабар олинди.

Жумладан, М. Эргашева маҳалла томонидан кредит олиш масаласидаги мурожаати ўрганилди. Мурожаатчининг турмуш ўртоғи ногирон, кредит эвазига тикув машинаси олиб, даромад топмоқчи экани тўғрисида мурожаат қилди. Бу масала ўрганилганда фуқарога маҳалла томонидан 10 млн сўм кредит берилгани, аёл пулни бошқа мақсадда ишлатиб юборгани маълум бўлди. Депутат томонидан шаҳар тиббиёт бўлими билан боғланилиб, унинг турмуш ўртоғи тиббий кўрикдан ўтказиладиган бўлди. Тўрт нафар фарзанднинг онаси С. Касимовани мурожаати ўрганилди. Бу мурожаатчи тўрт нафар фарзанди борлиги, уларнинг бир нафари ногирон экани, моддий жиҳатдан қийналаётгани тўғрисида маълум қилган. Бу мурожаат юзасидан депутат ҳомийлар кўмагида пул маблағи етказиб берилди. Шунингдек, эҳтиёжманд оила С. Ҳазратқуловаларни хонадони ўрганилди ва аниқланган муаммолар юзасидан маҳалла еттилиги билан биргаликда ижобий ҳал этиш чоралари кўрилиши айтилди.

Оҳангарон туманида эса «Камбағалликдан фаровонлик сари» дастурини амалга ошириш бўйича таҳлил ўтказилди.

Ўзбекистон ХДП Оҳангарон тумани кенгаши раиси, туман Кенгаши депутати Ф. Холтўраева Оҳангарон туман «Ялпоқтепа» МФЙ ходимлари билан биргаликда эҳтиёжманд оилалар хонадонига бориб уларнинг яшаш шароитлари ўрганилди.

Жумладан, Ш. Эралиева хонадони ўрганилганда, бу аёлнинг бир яшар ногирон фарзанди борлиги, моддий кўмакка муҳтожлиги тўғрисида, М. Тошбоева хонадони ўрганилганда турмуш ўртоғи ногирон эканлиги, кунлик ишда ишлаётгани ва уни доимий бандлигини таъминлашда кўмак бериш тўғрисида мурожаатлар бўлди. Мурожаатлар юзасидан тегишли ҳуқуқий тавсиялар берилди. Шунингдек, уларнинг муаммоларини ижобий ечим топиши ва натижадорлигини назорат қилиш режалаштирилиб олинди.

Малоҳат Эргашева,

Ўзбекистон ХДП Тошкент вилоят кенгаши ходими.