Yangiyo‘l shahar Kengashidagi O‘zbekiston XDP guruhi a’zosi Jamshid Abilov tomonidan «Yangibog‘» mahalla fuqarolari tomonidan berilgan murojaatlar yuzasidan o‘rganish olib borildi va ehtiyojmand oilalar holidan xabar olindi.
Jumladan, M. Ergasheva mahalla tomonidan kredit olish masalasidagi murojaati o‘rganildi. Murojaatchining turmush o‘rtog‘i nogiron, kredit evaziga tikuv mashinasi olib, daromad topmoqchi ekani to‘g‘risida murojaat qildi. Bu masala o‘rganilganda fuqaroga mahalla tomonidan 10 mln so‘m kredit berilgani, ayol pulni boshqa maqsadda ishlatib yuborgani ma’lum bo‘ldi. Deputat tomonidan shahar tibbiyot bo‘limi bilan bog‘lanilib, uning turmush o‘rtog‘i tibbiy ko‘rikdan o‘tkaziladigan bo‘ldi. To‘rt nafar farzandning onasi S. Kasimovani murojaati o‘rganildi. Bu murojaatchi to‘rt nafar farzandi borligi, ularning bir nafari nogiron ekani, moddiy jihatdan qiynalayotgani to‘g‘risida ma’lum qilgan. Bu murojaat yuzasidan deputat homiylar ko‘magida pul mablag‘i yetkazib berildi. Shuningdek, ehtiyojmand oila S. Hazratqulovalarni xonadoni o‘rganildi va aniqlangan muammolar yuzasidan mahalla yettiligi bilan birgalikda ijobiy hal etish choralari ko‘rilishi aytildi.
Ohangaron tumanida esa «Kambag‘allikdan farovonlik sari» dasturini amalga oshirish bo‘yicha tahlil o‘tkazildi.
O‘zbekiston XDP Ohangaron tumani kengashi raisi, tuman Kengashi deputati F. Xolto‘rayeva Ohangaron tuman «Yalpoqtepa» MFY xodimlari bilan birgalikda ehtiyojmand oilalar xonadoniga borib ularning yashash sharoitlari o‘rganildi.
Jumladan, Sh. Eraliyeva xonadoni o‘rganilganda, bu ayolning bir yashar nogiron farzandi borligi, moddiy ko‘makka muhtojligi to‘g‘risida, M. Toshboyeva xonadoni o‘rganilganda turmush o‘rtog‘i nogiron ekanligi, kunlik ishda ishlayotgani va uni doimiy bandligini ta’minlashda ko‘mak berish to‘g‘risida murojaatlar bo‘ldi. Murojaatlar yuzasidan tegishli huquqiy tavsiyalar berildi. Shuningdek, ularning muammolarini ijobiy yechim topishi va natijadorligini nazorat qilish rejalashtirilib olindi.
Malohat Ergasheva,
O‘zbekiston XDP Toshkent viloyat kengashi xodimi.