Депутат муаммони ҳал қилди
Халқ депутатлари Ҳазорасп туман Кенгаши депутати Машъал Ваисов ҳудудларда сайловчилар билан учрашиб аҳолини ўйлантираётган масалаларни ўрганди.
Бўлиб ўтган учрашувларда фуқаролар депутатимизга Ҳазорасп туманининг Мунис-Хоразмий маҳалласи Жалолиддин Мангуберди кўчасига янгидан 28 та электр устунлари ўрнатиш кераклигини айтишган.
Аҳоли вакиллари бу муаммони ижобий ҳал қилиб бериш масаласида турли ташкилотларга бир неча бор мурожаат қилишган. Аммо мурожаатлар ижобий ечим топмаган.
Лекин депутатимиз аралашуви билан ушбу муаммо тегишли ташкилотлар ҳамкорлигида ўз ечимини топди. Жалолиддин Мангуберди кўчасига янги электр устунлар ўрнатилди.