Тарафдорлар ва партия аъзолари сонини кўпайтириш ҳар бир сиёсий партиянинг асосий мақсадларидан ҳисобланади. Бу борада Ўзбекистон Халқ демократик партияси қуйи ташкилотлари томонидан аниқ чора-тадбирлар амалга оширилмоқда.
Бу ҳақда гап кетганда Ўзбекистон ХДП Қарши ҳамда Чироқчи туман кенгашлари фаолиятини алоҳида таъкидлаш жоиз. Мазкур кенгашлар партия аъзолари сонини, жумладан, сафимизда хотин-қизлар сонини кўпайтиришга алоҳида эътибор қаратмоқда. Жумладан, Бошланғич партия ташкилотларида байрамолди тадбирлари ўтказилиб, партия сафига янги аъзолар қабул қилиняпти. Қабул қилинаётган аъзоларнинг аксарияти хотин-қизларни ташкил этмоқда.
Тадбирлар давомида фаол партия аъзолари бўлган хотин-қизларга Янги йил байрами муносабати билан эсдалик совғалари тақдим этилди ва аъзолик гувоҳномалари тантанали топширилди.
Ўзбекистон ХДП Қашқадарё вилоят кенгаши