Олий Мажлис Қонунчилик палатаси депутати Қизилгул Қосимова Бўстонлиқ туманидаги М. Боймирзаев, Чимбойлик, Талпин маҳаллаларида аҳоли билан учрашувлар ўтказди.

Мулоқотлар давомида депутат фуқароларга Конституцияга киритилаётган қўшимчаларнинг мазмун-моҳияти, бўлажак референдум тўғрисида батафсил тушунтиришлар бериб, уларни референдумда фаол иштирок этишга чақирди.

Аҳоли билан учрашув сўнггида эркин суҳбат, савол-жавоблар ўтказилди. Талпин маҳалласидаги меҳнат фахрийси, 2-гуруҳ ногирони, узоқ йиллардан бери ётиб қолган Турсунбой Дуйсенов хонадонида бўлиб, унинг соғлиғини кўрикдан ўтказиб, 1-гуруҳ ногиронлигига ўтказиш юзасидан туман тиббиёт бирлашмасига таклиф киритди.

М.Боймирзаев МФЙдаги фельдшерлик пункти фаолиятини ўрганиб, у жойдаги камчиликларни бартараф этиш юзасидан кўрсатмалар берди. Талпын МФЙ раиси билан қурилиши тўхтаб қолган 180 ўринли болалар боғчаси ҳолатини жойида ўрганиб, тегишли ташкилотлар билан қурилиш ишларини жорий йил 4-чорагигача якунлаш белгиланди.