Oliy Majlis Qonunchilik palatasi deputati Qizilgul Qosimova Bo‘stonliq tumanidagi M. Boymirzayev, Chimboylik, Talpin mahallalarida aholi bilan uchrashuvlar o‘tkazdi.

Muloqotlar davomida deputat fuqarolarga Konstitutsiyaga kiritilayotgan qo‘shimchalarning mazmun-mohiyati, bo‘lajak referendum to‘g‘risida batafsil tushuntirishlar berib, ularni referendumda faol ishtirok etishga chaqirdi.

Aholi bilan uchrashuv so‘nggida erkin suhbat, savol-javoblar o‘tkazildi. Talpin mahallasidagi mehnat faxriysi, 2-guruh nogironi, uzoq yillardan beri yotib qolgan Tursunboy Duysenov xonadonida bo‘lib, uning sog‘lig‘ini ko‘rikdan o‘tkazib, 1-guruh nogironligiga o‘tkazish yuzasidan tuman tibbiyot birlashmasiga taklif kiritdi.

M.Boymirzayev MFYdagi feldsherlik punkti faoliyatini o‘rganib, u joydagi kamchiliklarni bartaraf etish yuzasidan ko‘rsatmalar berdi. Talpыn MFY raisi bilan qurilishi to‘xtab qolgan 180 o‘rinli bolalar bog‘chasi holatini joyida o‘rganib, tegishli tashkilotlar bilan qurilish ishlarini joriy yil 4-choragigacha yakunlash belgilandi.