Қамаши туманидаги 52- мактабда "Уч авлод учрашуви" туркум тадбирлари доирасида Халқ депутатлари Қашқадарё вилоят Кенгашидаги Ўзбекистон Халқ демократик партияси гуруҳи аъзоси, Ўзбекистон Қаҳрамони Абдимурод Бозоров билан учрашув ташкил этилди.

Тадбирда Абдимурод Бозоров ўз ҳаёт йўли, партиямиз сафидаги фаолияти ҳақида сўзлаб берди. Самимий суҳбат шаклида ўтган учрашувда ўқиш, билим олиш ва ҳалол меҳнат қилишнинг аҳамияти хусусида ҳам фикр-мулоҳазалар билдирилди.