Давлатимиз раҳбарининг Фармонига мувофиқ таъсис этилган “Меҳнат фахрийси” кўкрак нишони билан мамлакатимизнинг иқтисодиёт, ишлаб чиқариш, илм-фан, маданият, таълим, соғлиқни сақлаш, юриспруденция ҳамда бошқа соҳаларда кўп йиллар давомида ҳалол ва самарали меҳнат қилган нафақа ёшидаги юртдошларимиз, шунингдек, ҳаётини оилалар мустаҳкамлигини сақлаш, фарзандларимизни жамият олдида масъулият, миллий ҳамда умуминсоний қадриятларга, катталарга ва ёш авлод вакилларига ҳурмат, она-Ватанга муҳаббат, истиқлол ғояларига садоқат руҳида тарбиялаш ишларига бағишлаб, жамиятимизда ҳурмат қозонган оналар тақдирланиши белгиланган.

Наманган шаҳридаги “Маърифат” масканида Халқ депутатлари вилоят кенгаши депутатлари Гулхумор Тоғаева, Абдурашид Яхёев, партия фахрийси Тоҳиржон Исматуллаевлар “Меҳнат фахрияси” кўкрак нишони билан тақдирланди.