Ўзбекистон ХДП Фарғона вилоят кенгаши томонидан "Фарғонаазот" АЖда ёшларнинг ҳуқуқий саводхонликни ошириш масалаларига қаратилган давра суҳбати ўтказилди.

Учрашувда эътироф этилганидек, янгиланган конституциявий-ҳуқуқий шароитларда мамлакатимиз тараққиётининг асосий йўналишларини такомиллаштириш ва амалга оширилаётган кенг кўламли ислоҳотларни янги босқичга олиб чиқиш талаб этилмоқда.

Давра суҳбатида «Ўзбекистон-2030» стратегиясининг мазмун-моҳияти ҳамда янги Ўзбекистонни барпо этиш йўлида амалга оширилаётган ислоҳотлар тўғрисида батафсил тушунчалар берилди.

Тадбир давомида партиянинг мақсад ва вазифалари тўғрисида ҳам гапирилиб, ёшларни қизиқтирган саволларига жавоблар бериб ўтилди.