Ўзбекистон Халқ демократик партияси Қўнғирот туман кенгаши томонидан 48-сонли мактабда “Соғлом оила — соғлом жамият” шиори остида давра суҳбати ташкил этилди.
Тадбирда оилада соғлом муҳитни яратиш, фарзанд тарбияси, ҳар қандай вазиятларда ёшлар билан ота-оналарнинг муносабатларини янада яхши томонга ўзгартиришга кўмаклашувчи усуллар ва хотин-қизларнинг оила ва жамиятдаги нуфузини ошириш масалалари муҳокама этилди.
Ўзбекистон Халқ демократик партияси Қўнғирот туман кенгаши раиси Г. Балтабаева сўзга чиқиб, мамлакатимизда олиб борилаётган кенг кўламли ислоҳотлар, айниқса, хотин-қизларга берилаётган имтиёзлар юзасидан маълумотлар бериб, оила ва жамиятда хотин-қизларнинг ўрни ва нуфузини янада ошириш, миллий қадриятларимиз, анъаналаримизни асраш, эъзозлаш, фарзанд тарбиясида, оила мустаҳкамлигини таъминлашда аёлнинг, онанинг ўрни беқиёслиги ҳақида айтиб ўтди.