O‘zbekiston XDP Qoraqalpog‘iston Respublika Kengashi tomonidan Ajiniyoz nomidagi Nukus davlat pedagogika institutida “Xotin-qizlarning huquqiy bilimlarini oshirish oyligi”ni doirasida davra suhbati tashkil etildi.

Tadbirda O‘zbekiston XDP Qoraqalpog‘iston Respublika Kengashi mas’ullari, “Qumbiz ao‘il” boshlang‘ich partiya tashkiloti a’zolari, partiya faollari, institut professor-o‘qituvchilari va talaba yoshlar ishtirok etdi.

Muloqotda O‘zbekiston Respublikasi Prezidentining “Oila va xotin-qizlarni tizimli qo‘llab-quvvatlashga doir ishlarni yanada jadallashtirish chora-tadbirlari to‘g‘risida”gi Farmoni va boshqa qonunosti hujjatlar, xotin-qizlar bandligini ta’minlash, imtiyozli uy-joy, kreditlar ajratish, OTMlarga kirish uchun ajratilgan imtiyozli kvotalar hamda homilador va yosh bolali ayollar uchun mehnat qonunchiligida belgilangan imtiyozlar haqida ma’lumotlar berildi.

Shuningdek, partiya dasturiy maqsad va vazifalari targ‘ib qilindi.