Partiya ramzi parallelogramm shaklda bo‘lib, binafsha va oq ranglarda aks ettirilgan.

Binafsha rang – mehr-oqibat, qadr-qimmat, g‘amxo‘rlik va birdamlik ramzidir. Bu yetakchilar, liderlar rangi hisoblanadi. Ushbu rang partiya o‘z elektorati vakillari manfaatini himoya qilishga, ularning orzu-intilishlarini ro‘yobga chiqarishga va qo‘llab-quvvatlashga doim tayyor ekanligiga ishoradir.

Oq rang – mamlakatimizda tinch va osuda hayot hukm surayotganligini bildirib, ijtimoiy birdamlik, an’analarga sodiqlik, ezgulikni ifodalaydi. Bu partiyaning shaffoflik va poklikka intilishini anglatadi.