O‘zbekiston XDP Parkent tumani kengashida "Tolbuloq" MFYda tadbir tashkil etildi. Tadbirda O‘zbekiston Xalq demokratik partiyasining dasturiy maqsad va vazifalari haqida so‘z bordi.

Partiya, avvalo, ijtimoiy himoya, ijtimoiy tenglik va ijtimoiy adolat tamoyillarini yuzaga chiqarish orqali “O‘zbekiston – ijtimoiy davlat” prinsipi va davlatning tegishli ijtimoiy majburiyatlarini samarali amalga oshirish kabi umummilliy manfaatlar ustuvorligi asoslari haqida so‘z yuritildi.

Shuningdek, tadbir davomida MFY qoshida partiyaning yangi boshlang‘ich tashkiloti tuzildi hamda ziyolilardan 4 nafari partiya safiga qabul qilindi. Yangi a’zolarga tuman kengashi raisi tomonidan esdalik sovg‘alari va partiya biletlari topshirildi.