Chinoz tumani Kengashidagi deputatimiz A.Baxromov tashabbusi bilan tuman hokimi o‘rinbosarlari hamda mutasaddi korxona va tashkilot rahbarlari ishtirokida ochiq muloqot tashkil etildi.

Muloqotda qatnashga fuqarolar mas’ullarga o‘z muammo va takliflarini bildirishdi. Murojaatlar asosan uy-joy, bandlik, kadastr, tabiiy gaz va suv ta’minoti bilan bog‘liq bo‘ldi.

E’tiborlisi, muloqotda mutasaddi idoralarning mas’ullari qatnashgani sababli ko‘plab murojaatlar shu joyning o‘zida yechimini topdi. Ayrim yechimi vaqt talab qiladigan murojaatlar esa manzilli yo‘naltirilib yechimi nazoratga olindi.