Deputat so‘rovidan so‘ng muammo hal bo‘ldi
Hazorasp tuman Kengashi deputati S.Quryozov “Sanoat” mahallasida saylovchilar bilan uchrashuv o‘tkazdi.
Fuqarolar tomonidan mahallasidagi Oftob ko‘chasining katta magistral yo‘li qismida piyodalar xavfsizligini ta’minlanmagani aytildi. Buning uchun piyodalar xavfsiz o‘tib-qaytishi uchun svetofor o‘rnatishga yordam so‘rashdi.
Deputat masalani joyiga chiqib o‘rganganda aynan shu yo‘lni o‘quvchilar 20-umumta’lim maktabi va 8-MTTga tarbiyalanuvchilar kesib o‘tishi ma’lum bo‘ldi.
S.Quryozov muammoni bartaraf etishni so‘rab tegishli tashkilotlarga so‘rov yubordi.
Natijada, Oftob ko‘chasida piyodalar o‘tishi uchun svetofor o‘rnatildi. Bu hudud ahli uchun qulay va xavfsiz harakatlanishga imkon yaratdi.