Oliy Majlis Qonunchilik palatasi deputati A. Nurmatov Andijon viloyati Izboskan tumanidagi 3-davlat maktabgacha ta’lim tashkilotida bo‘lib, muassasa faoliyati bilan tanishdi.

3-DMTT o‘tgan asrning 60-yillarida qurilgan, keyinchalik moslashtirilgan binoda faoliyat ko‘rsatmoqda. 90 o‘ringa mo‘ljallangan binoda hozirgi kunda 150 nafar bola tarbiyalanmoqda. Mazkur bino tumanning 2027-yilgi ta’mirlash dasturiga kiritilgan.

Fotolavhalardan ko‘rinib turibdiki, muassasaning bugungi holati ijtimoiy normalar, sanitariya va xavfsizlik qoidalariga to‘liq javob bermaydi.