Davlatimiz rahbari yaqinda Qashqadaryo viloyatiga tashrifida yoshlar bilan ishlash masalasiga alohida e’tibor qaratib, hududda yoshlar bandligini ta’minlash bo‘yicha mas’ullarga qator vazifalar bergan edi.

Mazkur topshiriq ijrosini amalga oshirish maqsadida Yakkabog‘ tumanida ishlar boshlab yuborildi. O‘zbekiston Xalq demokratik partiyasi Yakkabog‘ tuman Kengashi deputati Shuhrat Yusupov o‘zi saylangan okrug hududidagi kam ta’minlangan yoshlarga 0,5 gektar bo‘sh turgan yerga meva-sabzavot mahsulotlari ekishiga ko‘maklashdi.