O‘zbekiston XDP Qibray tumani kengashi va O‘zbekiston XDPdan saylangan deputat Farhod Mirahmedov tashabbusi bilan "Sog‘lom ona – sog‘lom oila" shiori ostida onalar va bolalar salomatligini mustahkamlash, xotin-qizlar orasida sog‘lom turmush tarzini targ‘ib qilish, ularning tibbiy madaniyatini oshirish maqsadida tibbiy ko‘rik tashkil etildi.

"Farhod-Madad" xususiy klinikasida "Birlik", "Yangi Arg‘in" mahallalarida istiqomat qiluvchi kam ta’minlangan hamda moddiy yordamga muhtoj ayollar va yoshlar bepul tibbiy ko‘rikdan o‘tkazildi.

Ko‘rik natijalariga binoan aniqlangan kasalliklar bo‘yicha yo‘llanmalar berildi.