![“Сиёсатчи аёл” кўрик-танловнинг саралаш босқичлари давом этмоқда](/files/original/publication/10118.jpg)
Ўзбекистон ХДП Қарши шаҳар кенгаши томонидан “Сиёсатчи аёл” кўрик-танловининг шаҳар босқичи ўтказилди. Белгиланган Низомга мувофиқ, сиёсий билим ва ташкилотчилик қобилиятига эга бўлган партия фаолларининг истеъдод ва қобилиятларини очиб берувчи, ижтимоий ҳимояга муҳтож хотин-қизлар муаммоларини бартараф этишнинг самарали усулларини олиб чиқувчи кўрик-танловда турли шартлар орқали иштирокчилар баҳоланди.
Кўрик-танлов якунида партия мақсад ва ғояларини қўллаб-қувватлаган бир гуруҳ фаолларга партия аъзолик гувоҳномалари топширилди.
Ўзбекистон ХДП Муборак туман кенгашида ҳам “Сиёсатчи аёл” кўрик-танлови бўлиб ўтди. Оилавий муносабатларни мустаҳкамлаш, хотин-қизлар бандлигини таъминлаш ва амалий натижаларга эришишда лидерларнинг ўрни, сиёсий ҳозиржавоблик ва эркин шартда беллашган иштирокчилар туман партия кенгаши томонидан эсдалик совғалари, диплом ва ташаккурномалари билан тақдирланди.