Ўзбекистон ХДП Хоразм вилоят кенгаши раиси ўринбосари, Янгибозор туман Кенгашидаги партия гуруҳи аъзоси Улуғбек Қўчқаров сайловчилар билан мулоқот олиб борди.

Учрашувда Ўзбекистон ХДП Хоразм вилоят кенгаши вакилларидан Н.Машарипова, С.Бабажанов, И.Саидова, партиянинг Янгибозор туман кенгаши раиси Э.Отаназаров ҳамда Янги ёп маҳалласи ҳоким ёрдамчиси, фуқаролар қатнашдилар.

Мулоқотлар жараёнида фуқаролар ўзларини қийнаб келаётган муаммолари, мурожаатлари ва таклифлари билан иштирок этди.

Мурожаатларни ўрганиш баробарида фуқаролар томонидан ишга жойлашиш, уй-жой олиш бўйича масалалар тингланди. Депутат томонидан ижтимоий ҳимояга муҳтож оилалардаги мавжуд муаммоларни бартараф этишда кўмаклашиш бўйича чоралар белгиланди.

Учрашув якунида фуқароларга партиянинг мақсад ва вазифалари акс этган тарқатма материаллари тарқатилди.