Ўзбекистон Халқ демократик партияси Сурхондарё вилоят ҳамда Денов туман кенгаши томонидан Денов тадбиркорлик ва педагогика институтида олий таълим талабалари ўртасида “Сиёсатдаги ёшлар” интеллектуал турнири ташкил этилди.

Унда Денов тадбиркорлик ва педагогика институтидан тарих йўналишининг “Тарихчилар” жамоаси, озиқ-овқат технологияси йўналишининг “Билимдонлар”, физика йўналишининг “Қалқон”, кимё йўналишининг “Логика”, қурилиш муҳандислиги йўналишининг “Ёш сиёсатчилар”, математика йўналишининг “Турон” жамоалари қатнашди.

Турнирда асосий эътибор ёшлар сиёсат асосларини амалий натижаларга айлантиришда самарали усулларни таъминлаш, ўзгаришларни амалга ошириш учун ёш етакчиларнинг имкониятларини ҳавола қилишга қаратилди.

3 шартдан иборат ақллар беллашуви натижаларига кўра, биринчи ўрин “Билимдонлар” жамоасига насиб қилди. Иккинчи ўринга “Тарихчилар”, учинчи ўринга “Ёш сиёсатчилар” жамоаси эришди. Ғолибларга партиянинг эсдалик совғалари ва дипломлари топширилди.