Шу йилнинг 4 май оқшомида Бухоро вилояти Вобкент тумани Хажувон маҳалласида истиқомат қилувчи 2-гуруҳ ногирони М.Обидовнинг хонадонида электр симидаги туташув сабаб ёнғин содир бўлган. Натижада М.Обидовнинг уйи яшаш учун яроқсиз ҳолга келиб қолган.
Шундай вазиятда муҳтожлардан ёрдамини аямайдиган Халқ депутатлари Вобкент туман Кенгашига Ўзбекистон ХДПдан сайланган депутат М.Мустафоев ташаббус кўрсатиб маҳалла фаоллари ва жамоатчиликни жалб этган ҳолда М.Обидовга уйини тиклашда беқиёс ёрдам кўрсатишди. Хонадон эгаларининг нигоҳидаги чексиз қувонч ва миннатдорликни сўз билан тарифлаб бўлмайди.
Аслида депутат шундай бўлиши керак. Яъни ҳар бир халқ вакили бошқаларнинг дард-у ташвишини ҳис қилиши ва унга ечим топиши учун ташаббускорлик кўрсатиши лозим.
Бундай хайрли ишлар аҳолининг бирдамлигини оширишга, меҳр-оқибат ва саховатпешалик каби эзгу хислатларни кенг тарғиб қилишга хизмат қилади.