Ўзбекистон ХДП Қорақалпоғистон Республика Кенгаши раиси, Жўқорғи Кенгесидаги партия фракцияси раҳбари Халилла Ешимбетов Беруний тумани «Шаббоз» овулида «маҳалла еттилиги» ва сайловчилар билан юзма-юз учрашиб, уларнинг мурожаатларини тинглади.

Мурожаатчиларнинг айтишича, ушбу ҳудуддаги Туркман овул аҳоли манзили учун 4 та сув насоси Бўстон каналидан сув чиқариш учун қурилиб фойдаланишга топширилган. Лекин аҳолига сув олиб борувчи ариқлар қурилиши аниқ лойиҳа ва ҳисоб-китобга таяниб олиб борилмаганлиги сабабли томорқаларгача сув етиб бормаган.

Х.Ешимбетов ушбу масалани ҳал қилиш учун Қорақалпоғистон Республикаси Сув хўжалиги вазирлигига депутатлик сўрови юборишини айтди.