Халқ демократик партияси Наманган вилоят кенгашининг кенгайтирилган йиғилиши бўлиб ўтди. Унда вилоят Кенгаши масъуллари, шаҳар ва туман кенгаш раислари ҳамда партиямиз фаоллари иштирок этди.

Йиғилишда 2025 йилнинг ортда қолган даври бўйича режалар сарҳисоби, амалга оширилган ишлар ва ҳудудий ташкилотларнинг айни дамдаги рейтинги танқидий муҳокамадан ўтди. Бунда ҳар бир ҳудуднинг олган балли, эгаллаган ўрни ҳақида алоҳида тўхталинди. Кўрсаткичлари паст бўлган туман ва шаҳарларнинг меҳнат самарадорлиги қониқарсиз экани таъкидланиб, уларнинг натижаларини кўтариш, режадаги ишларнинг самарадорлигини ошириш бўйича алоҳида суҳбат олиб борилди.

Паст кўрсаткичли ҳудудларнинг натижасини яхшилаш учун юқори самарадорлик кўрсатаётган туман ва шаҳарларнинг фаолиятини намуна тариқасида ўрганиш таклиф қилинди.

Тадбирда сўзга чиққан масъулларимиз ташаббусларни вақтида ва самарадор амалга ошириш учун биргаликда, фикр-мулоҳазалар алмашиб, аниқ режа ва қатъий тартиб асосида ишлаш кераклигини таъкидлашди.