Халқ депутатлари Самарқанд вилоят Кенгашидаги ЎзХДП депутатлик гуруҳи раҳбари, партиянинг вилоят кенгаши раиси Бадриддин Насриевга “Хўжа Дониёр” маҳалласи фуқароларидан мурожаат келиб тушди.

Мурожаатда айтилишича, маҳалланинг Оби Раҳмат кўчасида ноқонуний иморат қурилган бўлиб, иморат йўлнинг пиёдалар ҳаракатланиши учун белгиланган қисмида қурилган ва аҳолининг ҳаракат эркинлиги чекланиб қолган.

Депутатимиз масалани жойига чиқиб ўрганиб, фуқароларнинг эътирозлари ўринли эканига амин бўлди.

Натижада депутат шаҳар ҳокимига депутат сўрови юбориб, ноқонуний иморат бузилиши ва ўрнига зинапояли пиёдалар йўлакчаси қуришда амалий ёрдам сўрашга қарор қилди.