Депутат ташаббуси билан кўчаларнинг 400 метр қисми асфальтланмоқда
Партиямиз Бойсун туман кенгаши депутати Ф.Турсунқуловга “Авлод” маҳалласида яшовчи фуқаролардан мурожаат келиб тушган эди.
Унда айтилишича, маҳалланинг Кўксой ва Якарча номли ички кўчаларининг ҳолати ачинарли ва ёғингарчилик пайтларида ҳаракатланиш имконсиз. Депутат муаммони жойига чиқиб ўрганганида кўчаларнинг умумий 400 метр қисмини таъмирлатиш кераклигига амин бўлиб, тегишли ташкилотларга депутатлик сўрови юборган.
Юборилган сўровлар натижасида мутасадди ташкилотлар билан ҳамкорлик йўлга қўйилди ва бугунги кунда кўчаларни таъмирлаш ишлари олиб борилмоқда.