Халқ депутатлари Мирзачўл туман Кенгашидаги депутатимиз А.Намазова “Дўстлик” маҳалласидаги 1-сон техникумида ёшлар билан учрашув ташкил этди.

Учрашув давомида ёшларни қўллаб-қувватлашга қаратилган долзарб масалалар, хусусан, таълим сифатини ошириш, бандликни таъминлаш, ёшлар тадбиркорлигини ривожлантириш ҳамда уларни рағбатлантириш имкониятлари ҳақида сўз юритилди.

Шунингдек, депутат давлатимиз томонидан ёшлар учун яратилаётган шарт-шароитлар, имтиёз ҳамда дастурларнинг жойларда ўз вақтида ва самарали йўлга қўйилишида жамоатчилик назорати, жумладан, бунда депутатларнинг алоҳида ўрни ҳақида фикр алмашилди.

Ёшлар ўзларини қизиқтирган саволларни бериб, таклиф ва ташаббусларини билдирдилар.