"Аёлларга кўмак" лойиҳаси доирасида Ўзбекистон ХДП Бухоро вилояти Коракўл туман кенгаши ташаббуси билан Оила ва маҳаллани қўллаб-қувватлаш бўлими билан хамкорликда тумандаги ижтимоий ётоқхонада яшайдиган хотин-қизлар ҳолидан хабар олинди. Хотин-кизларнинг муаммолари ўрганилди ва уларга амалий ёрдам беришга келишиб олинди.
Хотин-қизларни иссиқхоналар ташкил этиш, томорқада ишлаш ва ундан унумли фойдаланиш ҳақида маълумотлар олиши мақсадида “Мироб” МФЙга экскурсияга олиб борилди. У ердаги ободонлаштириш ишлари, хонадонлардаги иссикхоналар, ердан унумли фойдаланиш сирлари билан таништирилди. Иссиқхоналарни ташкил этиш, у ерда меҳнат қилиш ва мўл ҳосил олиш, оила бюджетини тўлдириш бўйича берилган маълумотлар хотин-қизларда қизиқиш уйғотди ва улар ҳам ер олиб, ерга меҳр бериб, рўзғорига барака киритишга қарор қилишди.
ЎзХДП Бухоро вилояти кенгаши